Petrozavod shahar sudi Kareliyadagi Syamozero ko‘lida bolalar halok bo‘lgani haqidagi ish bo‘yicha oromgoh direktori Yelena Reshetovani 19-avgustga qadar hibsga oldi, deb yozadi “RBK”.
Avvalroq shu sudning o‘zi ushbu ish bo‘yicha oromgoh instruktori Valeriy Krupodershchikovni hibsga olishni rad etgan edi.
Halok bo‘lgan bolalar Kareliyaga Moskvadan kelib, 18-iyun kuni Syamozero bo‘ylab qayiqda suzishda ishtirok etgan. Ko‘lda bo‘ron boshlangan, natijada 14 bola qurbon bo‘lgan. Ayni paytda 13 nafar o‘quvchining jasadi topilgan, 14-bolani qidirish ishlari davom etmoqda.
Rossiya tergov qo‘mitasi “Xavfsizlik talablariga javob bermaydigan, ehtiyotsizlik oqibatida ikki va undan ortiq shaxs o‘limiga olib kelgan xizmatlar ko‘rsatish” moddasi bo‘yicha jinoiy ish ochdi. Mazkur jinoiy ish doirasida to‘rt nafar gumonlanuvchi — bolalar dam olgan “Park-otel Syamozero” oromgohi direktori, uning o‘rinbosari, shuningdek, ikki nafar instruktori hibsga olindi. Yaqin orada ularga nisbatan ko‘riladigan chora ma’lum bo‘ladi.
Izoh (0)