АҚШнинг собиқ давлат котиби Ҳиллари Клинтон ва собиқ президент Билл Клинтоннинг қизи Челси ўғил фарзанд кўрди. Унга Эйдан деб исм қўйилди. Бу ҳақда Челси Клинтон Twitter’даги саҳифаси орқали маълум қилди, деб хабар бермоқда «ТАСС».
«Биз Марк билан (турмуш ўртоғи Марк Мезвински) миннатдорлик ва муҳаббат туйғусини ҳис этмоқдамиз, ўғлимиз Эйдан Клинтон Мезвинскининг дунёга келганлигини нишонламоқдамиз», — дейилади хабарда.
Челси ўтган йилнинг 21 декабрида фарзанд кутаётганини маълум қилган эди. Ҳиллари ва Билл Клинтоннинг ягона фарзанди бўлган Челси 2014 йилнинг сентябрида қиз фарзандли бўлган, унга Шарлотта деб исм қўйилган эди.
Челси Клинтоннинг ота-онаси иккинчи марта бува ва буви бўлганидан бахтиёр эканлигини маълум қилиб қўшма баёнотини чоп этди.
«Челси ва Эйдан ўзини яхши ҳис қилмоқда», — дейилади баёнотда.
Изоҳ (0)