Ироқ ҳарбий хизматчилари 18 июнь, шанба куни Ал-Фаллужа шаҳридаги бош касалхонани ИШИД гуруҳи террорчиларидан озод қилиш бўйича операцияни якунлади, деб ёзади «Интерфакс».
Бино томи узра Ироқ байроғи кўтарилди. Айни пайтда ҳарбийлар шаҳар шимолидаги қатор туманларни жангарилардан озод қилишга киришди.
Дастлаб Ироқ қўмондонлиги террорчилар касалхонадаги беморларни тирик қалқон сифатида қўллаши мумкинлигидан огоҳлантирган эди, бироқ ушбу ҳадик амалда тасдиқланмаган кўринади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)