Италия собиқ бош вазири Сильвио Берлусконига юракнинг қон йўлини тўсувчи қисмини алмаштириш бўйича операция муваффақиятли ўтди. Бу ҳақда Миландаги «Сан-Раффаэле» касалхонаси шифокорлари маълум қилди, дея хабар беради «Интерфакс».
Берлусконининг шахсий шифокори Альберто Дзангриллонинг билдиришича, «ҳаммаси режалаштирилганидек» ўтган.
«Биз операциядан олдин ҳам хотиржам эдик, ҳозир ҳам шундай. Очиқ юракда операция ўтказган шифокорларнинг маҳорати таҳсинга сазовор. Жарроҳлар ўз ишини ўта профессионал тарзда бажарди», — дея таъкидлаган собиқ бош вазирнинг укаси Паоло Берлускони.
Изоҳ (0)