Ироқ мудофаа вазири Холид ал-Убайдий 13 июнь, душанба куни Ал-Фаллужада ИШИД жангариларининг марраларини бомбалаган бўлинмага шахсан раҳбарлик қилди ва F-16 самолётларидан бирига ўзи ўтирди. Бу ҳақда «ТАСС» хабар бермоқда.
«Мудофаа вазири F-16 ва L-159 самолётларидан иборат силсилага шахсан қўмондонлик қилиб, Ал-Фаллужада террорчиларнинг марраларига авиазарбалар бермоқда», — дейилади мудофаа вазирлиги матбуот хизмати тарқатган хабарномада.
2016 йил майида Ироқ армияси Ал-Фаллужани озод қилиш операциясини бошлаган эди. Айни пайтда шаҳар амалда ҳарбийлар қўлида эканлиги билдирилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.