Iroq mudofaa vaziri Xolid al-Ubaydiy 13-iyun, dushanba kuni Al-Fallujada IShID jangarilarining marralarini bombalagan bo‘linmaga shaxsan rahbarlik qildi va F-16 samolyotlaridan biriga o‘zi o‘tirdi. Bu haqda “TASS” xabar bermoqda.
“Mudofaa vaziri F-16 va L-159 samolyotlaridan iborat silsilaga shaxsan qo‘mondonlik qilib, Al-Fallujada terrorchilarning marralariga aviazarbalar bermoqda”, — deyiladi mudofaa vazirligi matbuot xizmati tarqatgan xabarnomada.
2016-yil mayida Iroq armiyasi Al-Fallujani ozod qilish operatsiyasini boshlagan edi. Ayni paytda shahar amalda harbiylar qo‘lida ekanligi bildirilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.