30 ўйиндан буён мағлуб бўлмаётган «Локомотив» мавсумдаги энг йирик ғалабасини қўлга киритди

Осиё Чемпионлар Лигасининг чорак финалига қуръа ташлаш маросимидан бир кун олдин, аниқроғи, 8 июнь санасида Тошкентнинг «Локомотив» клуби мавсумдаги энг йирик ғалабасини тантана қилди.

• Тошкентда «Локомотив» футболчилари бемор болаларга совғалар улашди (фото)

• «Локомотив» сайти клуб футболчиларининг фарзандлари фотосуратларини эълон қилди (фото)

Ўзбекистон Кубоги 1/8 финалининг жавоб учрашувида «ЎзДонгЖу» клубини қабул қилган «Локомотив» 9:0 ҳисобида зафар қучди. Бу билан «темирйўлчилар» мағлубиятсиз ўйинлари сериясини 30 тага етказиб олди.

Қайд этиш керак, Андижонда бўлиб ўтган биринчи учрашувда «Локомотив» 4:1 ҳисобида зафар қучганди. Икки ўйин натижасига кўра «ЎзДонгЖу» дарвозасига 13 бор йўл топган жамоа Ўзбекистон Кубогининг чорак финалида «Машъал» билан тўқнаш келади.

«Championat.asia» маълумотига кўра, «Локомотив» сўнгги бор 2015 йилнинг 12 сентябрь куни «Пахтакор»га 1:2 ҳисобида имкониятни бой берган. Шундан кейин ўтказилган барча мусобақалардаги 30 та беллашувнинг 7 тасида дуранг ўйнаган ва 23 тасида зафар қучган.

Осиё Чемпионлар Лигасининг 2016 йилги мавсумида чорак финалга қадар етиб борган «Локомотив» бугун, 9 июнь куни навбатдаги рақиби номини билиб олади. Бу йўлда Қатарнинг «Ал-Жаиш» ёки БААнинг «Ан-Наср», «Ал-Айн» клубларидан бири «Локомотив»га рақиб бўлиши мумкин.

• «Бунёдкор» стадионидаги қора анъана «Локомотив» томонидан йўққа чиқарилди

• «Локомотив» ўз тарихида илк бор ОЧЛ чорак финалига чиқди

• «Локомотив» Осиё Чемпионлар Лигасининг ўзидан ҳозирча 240 минг АҚШ доллари ишлаб топди

Осиё қитъаси клубларининг энг нуфузли мусобақаси чорак финалига қуръа ташлаш маросими 9 июнь куни 12:30 дан бошлаб ЎзМТРКнинг «Спорт» телеканалида тўғридан-тўғри намойиш этилади.

Ўзбекистон Кубоги 1/8 финал. Жавоб учрашуви 8 июнь, чоршанба

«Локомотив» — «ЎзДонгЖу» 9:0

Голлар: Қувондиқ Рўзиев, 10 (1:0). Дониёр Усмонов, 37 (2:0). Икром Алибоев, 44 (3:0). Сардор Мирзаев, 50 (4:0). Тимур Кападзе, 63 (5:0). Иван Нагаев, 72 (6:0). Темурхўжа Абдухолиқов, 77 (7:0). Иван Нагаев, 82 (8:0). Иван Нагаев, 88 (9:0).Дастлабки учрашув: 4:1