Германия ва Швейцария ҳукумати тинтувлар чоғида Малайзия «Боинг»ининг Украина шарқидаги ҳалокатини текшираётган хусусий детективдан ҳужжатларни мусодара қилди, деб ёзади «ТАСС».
Детектив номаълум мижоз буюртмасига кўра, самолёт ҳалокати билан боғлиқ вазиятни текширган. Тинтув детективнинг Бад-Швартау (Германия)даги уйида, шунингдек, унинг Цюрихдаги банк сейфида олиб борилган. Сейф ва унинг ичидаги нарсалар мусодара қилинган.
Германияда 1 июнь куни мусодара қилинган ҳужжатлар орасида, терговчилар фикрига кўра, «Malaysia Airlines’нинг Boeing 777 самолёти ҳалокати учун жавобгарларни топишга ёрдам берадиган» қоғозлар бўлиши мумкин.
Эслатиб ўтамиз, Malaysia Airlines’нинг Амстердамдан Куала-Лумпурга MH17 рейси билан учиб кетаётган «Боинг-777» самолёти 2014 йил 17 июль куни қулаган эди. Тахминларга кўра, лайнер Донбасс ҳудудидан уриб туширилган. Самолёт бортида бўлган 298 кишининг барчаси ҳалок бўлган.
Изоҳ (0)