Germaniya va Shveysariya hukumati tintuvlar chog‘ida Malayziya “Boing”ining Ukraina sharqidagi halokatini tekshirayotgan xususiy detektivdan hujjatlarni musodara qildi, deb yozadi “TASS”.
Detektiv noma’lum mijoz buyurtmasiga ko‘ra, samolyot halokati bilan bog‘liq vaziyatni tekshirgan. Tintuv detektivning Bad-Shvartau (Germaniya)dagi uyida, shuningdek, uning Syurixdagi bank seyfida olib borilgan. Seyf va uning ichidagi narsalar musodara qilingan.
Germaniyada 1-iyun kuni musodara qilingan hujjatlar orasida, tergovchilar fikriga ko‘ra, “Malaysia Airlines’ning Boeing 777 samolyoti halokati uchun javobgarlarni topishga yordam beradigan” qog‘ozlar bo‘lishi mumkin.
Eslatib o‘tamiz, Malaysia Airlines’ning Amsterdamdan Kuala-Lumpurga MH17 reysi bilan uchib ketayotgan “Boing-777” samolyoti 2014-yil 17-iyul kuni qulagan edi. Taxminlarga ko‘ra, layner Donbass hududidan urib tushirilgan. Samolyot bortida bo‘lgan 298 kishining barchasi halok bo‘lgan.
Izoh (0)