Ҳиллари Клинтон АҚШ давлат котиби лавозимини эгаллаб турган вақтда (2009—2013 йиллар) унинг шахсий почта қутисига ёрдамчилари томонидан юборилган хатларнинг барчасини текшириб, чоп қилиш учун, АҚШ давлат департаментига 75 йил керак бўлади, деб ёзади «ТАСС».
Бу ҳақда муассаса адвокатларининг Колумбия федерал округи судига жўнатилган аризасида айтилади.
«Давлат департаментининг ҳозирги бандлигини ва ушбу ҳужжатлар таҳлили билан боғлиқ мураккабликларни ҳисобга олган ҳолда, биз ойига 500 та саҳифани кўриб чиқа оламиз. Шу тариқа, Шерил Миллз (Клинтон ёрдамчиларининг шахсий аппарати раҳбари)нинг хатларини 16,6 йил, Жейкоб Салливан (Давлат департаменти сиёсий режалаштириш бўлими раҳбари)никини — 33,3 йил, Патрик Кеннеди (давлат котибининг менежмент масаласи бўйича ўринбосари)никини — 25 йил давомида тўлиқ кўриб чиқамиз. Буларнинг барчасига жами 75 йил кетади», — дейилади ҳужжатларда.
Судда Давлат департаментига вакиллик қилаётган адвокатлар сўзларига кўра, Ҳиллари Клинтоннинг уч ёрдамчиси хатларининг умумий ҳажми 450 минг саҳифани ташкил этади.
Изоҳ (0)