Россиянинг Калининград шаҳрида 44 ёшли эркак 11 ва 7 ёшли ўғилларини ўлдирди, сўнг жонига қасд қилди. Фожиа 4 июнь, шанба куни содир бўлди. Бу ҳақда «Вести.ru» хабар бермоқда.
Тергов тахминига кўра, ўша куни эркак катта ўғлини болалар лагеридан олган ва қурилиш кетаётган бинога олиб кириб, калтаклаб ўлдирган. Шундан сўнг квартирасига қайтган ва у ерда кичик ўғлининг умрига зомин бўлган. Ўзининг жасади эса уй чордоғидан топилган. Турмуш ўртоғи бу пайтда ишда бўлгани билдирилмоқда.
Тергов қўмитасининг минтақавий бошқармаси томонидан «Ёш болаларни ўлдириш» моддаси бўйича иккита жиноий иш очилди, келгусида улар бирлаштирилиши айтилмоқда.
Изоҳ (0)