Фойдаланувчилар учун ўзининг қулай ечимларини таклиф қилишдан чарчамайдиган ақлли «Avtobor.uz» автомобиль излаш хизмати Android ва iOS операцион тизимида ишловчи қурилмалар учун ўз мобил дастурларини чиқарди.
Замонавий мобил қурилмаларда веб-сайтларнинг, айниқса, «Avtobor.uz» каби излаш хизматларининг бор кучидан, сайтнинг мобил версияси қанчалик мукаммал қилиб ишланмасин, тўлиқ фойдаланиб бўлмайди. Бу борада мобил дастурларнинг ўрни бўлакча — уларда баъзан веб-сайтнинг тўлиқ версиясида кўзда тутилмаган имкониятлар ҳам бўлади.
Замон билан ҳамнафас «Avtobor.uz» хизматининг Android ва iOS операцион тизимларида ишловчи қурилмалар учун мўлжалланган мобил дастурлари нафақат излаш параметрларининг етуклиги, балки янги эълонни жойлаштиришдаги қулайликлари билан ажралиб туради — эълонни киритаётган вақтда асосий маълумотларни ёзиб эмас, аввалдан тўлдирилган менюлардан танлаб киритасиз.
Излашдаги фильтрлардан фойдаланиб, орзуингиздаги автомобилни фақат белгиланган параметрлар (нархи, босиб ўтган масофаси ва ҳ.к.) асосида излашингиз мумкин. Бундан ташқари, мобил дастурда «Avtobor.uz»га қўшилган сўнгги эълонларни қўшилган вақти бўйича, эълонларда кўрсатилган автомобилларни эса ишлаб чиқарилган йили, нархи, километражи бўйича туркумлаш мумкин. Мобил дастур ақлли — у Сизга мақбул келган эълонга ўхшаш бошқа таклифларни ҳам кўришни таклиф қила олади.
Баъзан шундай ҳолатлар ҳам бўлади — сотилаётган автомобиллар ҳақидаги эълонларнинг кўплиги ва долзарблиги сабаб, харидорга бир эмас, бир неча таклифни маъқул келиши мумкин. Шундай вазиятларда мобил дастурдаги «Таққослаш» функцияси қўл келади — унинг ёрдамида у ёки бу автомобилнинг устун ва камчилик томонларини осон илғаб олиш мумкин.
Машинангизни сотиш ниятида «Avtobor.uz»га эълон жойлаштирганингиздан сўнг, бу ҳақда кўпроқ одам билишини ва тезроқ харидор топиш истагида бўласиз, албатта. Ёки, машина сотиб олмоқчисиз, бир эълонда кўрсатилган автомобиль Сизга маъқул келди ҳам, лекин дадил қарор қабул қилишга иккиланяпсиз — машинани яхши тушунадиган дўстларингизнинг бир маслаҳат ортиқча қилмайдиган вазиятдасиз. Мобил дастурдаги «Эълонни баҳам кўриш» функцияси айнан шундай ҳолатлар учун мўлжалланган.
«Avtobor.uz»нинг мобил дастури имкониятлари билан шу билан чекланиб қолмайди. Чет элда ишлаб чиқарилган енгил автомобиль ёки махсус техника сотиб олиш ниятида бўлганлар учун алоҳида, GM Uzbekistan автомобиллари харидорлари учун алоҳида бўлимлар ташкил этилган бўлиб, у ерда ихтисослашган автосалонлар ва улар таклиф қилаётган нархлар билан батафсил танишиш мумкин.
Автомобильларни ақл билан изланг — «Avtobor.uz»нинг мобил дастурларини юклаб олинг!
Изоҳ (0)