Ўрта Ер денгизида муҳожирларни олиб кетаётган қайиқ сувга ғарқ бўлди

Ўрта Ер денгизида, Ливия қирғоқларида муҳожирлар қайиғи чўкиб кетиши оқибатида ўнлаб одамлар бедарак йўқолди. Бу ҳақда, AFP’га асосланиб, «ТАСС» хабар бермоқда.

Италия қирғоқ қоровули хизматининг билдиришича, шу пайтгача 130 киши қутқариб олинган, денгизда эса 350 киши қолиб кетган.

26 май куни Ўрта Ер денгизини кесиб ўтиш пайтида 20 нафар муҳожир сувга ғарқ бўлди. 25 май куни эса Сицилия кўрфазида чўкиб кетган кеманинг беш йўловчиси ҳалок бўлди, 562 киши қутқариб қолинди.