Таиландлик Аттапорн Бунмакчуай ҳожатхонадалигида канализация орқали унитазга кириб олган уч метрлик бўғма илоннинг ҳужумига учради. Бу ҳақда, The New York Post нашрига асосланиб, TJournal хабар бермоқда.
Жабрланувчининг ҳикоя қилишича, бўғма илон кутилмаганда унитаз ичидан бош чиқариб, уни тишлаб олди. 38 ёшли эркак ярим соат давомида илоннинг жағларини оча олмади, ёрдамга келган рафиқаси ва қўшнилари илоннинг танасини арқон билан сиқиб, уни бўшаштира олди, шундан сўнг Аттапорн ҳушидан кетиб қолди.
Шифохонада ётган эркак журналистларга бўлган воқеани юзида табассум билан ҳикоя қилиб берди. Шифокорлар, ўз навбатида, кўп қон йўқотганига қарамай, эркак тез орада оёққа туришини ваъда қилди.
Воқеа жойига етиб келган қутқарувчилар бўғма илонни чиқариб олиш учун унитазни кўчиришга мажбур бўлди. Илон соғ-саломат бўлиб, табиат бағрига қўйиб юборилади.
Изоҳ (0)