Нью-Йоркдаги Гудзон кўлига кичик самолёт қулаб тушди, дея хабар бермоқда «РБК» полиция расмий вакилига таяниб.
Самолёт Гудзон соҳилида жойлашган «Интрепид» Денгиз, ҳаво ва коинот музейи экспонати — Intrepid авианосеци яқинига тушган. Воқеа жойига қутқарувчилар етиб келган.
Соҳилни қўриқлов хизмати самолёт бортида фақат бир киши бўлганлигини тахмин қилмоқда. Ҳаво кемаси учувчиси жиддий бўлмаган жароҳатлар билан касалхонага етказилган. Аммо баъзи манбаларга кўра, уни қидириш ишлари ҳали давом этмоқда.
Фуқаролик авиацияси федерал бошқармаси берган маълумотга кўра, қулаган самолёт Иккинчи жаҳон уруши даврига тегишли Republic P-47 Thunderbolt қирувчи-бомбардимончи самолётидир. Шундай самолётлардан учтаси Репаблик аэропортидан учиб чиққан, улардан иккитаси эсон-омон қайтиб, қўнган.
Изоҳ (0)