Республикачилар партиясидан АҚШ президентлигига номзод бўлиб илгари сурилишини таъминлаган миллиардер Дональд Трамп демократлар ўртасида Ҳиллари Клинтонга имкониятни бой бераётган сенатор Берни Сандерс билан баҳслардан бош тортди. Бу ҳақда «РБК» хабар бермоқда.
Олдинроқ Ҳиллари Клинтон ҳам сенатор билан баҳсда иштирок этишдан воз кечганди.
Трамп демократлар ўртасидаги дастлабки овоз бериш жараёнида иккинчи ўринда кетаётган номзод билан баҳс юритишни «ўринсиз» деб атади. Ваҳоланки, куни кеча у Сандерс билан мулоқотда бўлиш истаги ҳақида маълум қилганди.
Трампнинг қароридан Сандерснинг ҳафсаласи пир бўлди, бироқ миллиардер яна ўз қарорини ўзгартиришига умид билдирди.
Изоҳ (0)