Барак Обама маъмурияти АҚШ қуролли кучлари яқин йилларда бутун дунё бўйлаб дуч келадиган асосий муаммо Россия ва Хитойнинг тажовузкорона ташқи сиёсати бўлади деб ҳисобламоқда. Бу ҳақда АҚШ мудофаа вазири Эштон Картер Аннаполисдаги ҳарбий-денгиз академияси битирувчилари олдидаги чиқиши чоғида маълум қилди, дея хабар беради «ТАСС».
«Истиқболда Россиянинг тажовуз ва мажбурлаш сиёсати билан тўқнаш келамиз. Хитой тикланмоқда, бу яхши, бироқ ўзини тажовузкорона тутмоқда, бу эса ёмон», — дея таъкидлаган Картер.
Пентагон раҳбари Америка хавфсизлигига таҳдид қилувчи асосий куч сифатида «Ироқ ва Сурияда пайдо бўлган ҳамда бутун дунёда томир отиб бораётган» ИШИДни ҳам санаб ўтган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)