Apple раҳбари Тим Кук XVIII асрда чизилган расмда iPhone’ни кўргани ҳақида ҳазиллашди, деб ёзади «РБК». Бу ҳақда у Амстердамда бўлиб ўтаётган Startup Fest конференциясида айтиб ўтди.
Рақамли сиёсат бўйича собиқ еврокомиссар Нели Круснинг у iPhone қаерда ва қачон ихтиро қилинганини билиш-билмаслиги ҳақидаги саволига жавобан, Apple раҳбари Рейксмюсеумдаги картиналардан бирида смартфонга ўхшаш буюмни кўрганини айтди.
«Кечаги кунга қадар биламан, деб ўйлардим. Кеча Нели Рембрандтнинг асарларини томоша қилишга олиб борди ва картиналардан бирида кўрган нарсамдан ҳайратга тушдим. Улардан бирида iPhone бор эди», — дея аниқлик киритди Кук.
Крус аудиторияга картинанинг суратини кўрсатди. «Мен iPhone қачон ихтиро қилинганини биламан деб ўйлардим, энди бунга унчалик ишончим комил эмас», — дея қўшиб қўйди Тим Кук.
CNBC таъкидлашича, аслида гап Рембрандтнинг эмас, голландиялик рассом Питер де Хохнинг 1760 йилда чизилган асари ҳақида бормоқда. Картина «Эркак даҳлизда аёлга мактуб узатмоқда» деб номланади. Эркакнинг қўлидаги хат узоқдан iPhone’ни эслатади.
Изоҳ (0)