Жанубий Корея КХДРнинг Корея ярим оролида кескинликни камайтириш мақсадида ҳарбий даражада ишчи учрашув ўтказиш ҳақидаги таклифини рад этди. Бу ҳақда ҳукумат вакилига таяниб, «Рёнхап» хабар берди, деб ёзади «Коммерсантъ».
«Агар Шимолий Корея ҳақиқатан ҳам Жануб билан алоқаларни яхшилашга эришмоқчи бўлса, унда Пхеньян денуклеаризация (ядро қуролидан холи ҳудуд яратиш) тарафдори эканлигини муайян қадамлар билан тасдиқлаши керак», — деди амалдор.
«Шимолий Корея ярим оролда ҳарбий кескинлик кучайиши юзасидан жавобгарликни Жануб бўйнига қўймоқда, аммо унинг ядро арсенали тинчлик ва барқарорликка анча катта хавф солади», — дея таъкидлади ҳукумат вакили.
Изоҳ (0)