Австрия президентлигига ўнглардан номзод Норберт Хофер сайлов участкаларида берилган овозлар ҳисоблаб чиқилгач, сайловчиларнинг 51,9 фоиз овозларини қўлга киритгани маълум бўлди, деб ёзади «Коммерсантъ» республика ички ишлар вазирлиги маълумотларига таяниб.
Унинг рақиби, «яшиллар» собиқ етакчиси Александр Ван дер Беллен сайловчиларнинг 48,1 фоиз овозларига эга бўлди. Таъкидланишича, ушбу рақамлар ичига австрияликлар томонидан почта орқали берилган овозлар киритилмаган. Улар тез орада ҳисоблаб чиқилади ва, эҳтимол, якуний натижага таъсир ўтказади.
Бу ҳафта Австрия тақдирини кескин ўзгартириб юбориши мумкин: 17 май, сешанба куни янги канцлер, социал-демократик партия етакчиси Кристиан Керн қасамёд қилди, энди эса янги президент сайланмоқда. Ундан илгариги канцлер — Вернер Файман, президентлик сайловларининг иккинчи турига икки етакчи сиёсий куч вакиллари эмас, балки мухолифат кўрсатган номзодлар чиқиши маълум бўлгач, истеъфо берган эди.
Изоҳ (0)