Бугун, 20 май тонгида Колумбиянинг Медельин шаҳрида футзал бўйича жорий йилнинг 10 сентябрдан 1 октябрига қадар бўлиб ўтадиган Жаҳон чемпионатига қуръа ташлаш маросими бўлиб ўтди. Қуръа натижасига кўра, Ўзбекистон терма жамоаси «А» гуруҳидан жой олди. Гуруҳ босқичида ўзбекистонлик футзалчилар мезбон ҳисобланган Колумбия термаси ҳамда Португалия ва Панама терма жамоаларига қарши кураш олиб боради.
ФИФА расмий сайтида келтирилган мусобақа (pdf) тақвимига кўра, Ўзбекистон терма жамоаси илк учрашувини Колумбиянинг Кали шаҳрида Панамага қарши ўтказади. Мазкур учрашув маҳаллий вақт билан 10 сентябрь куни 18:00 да, Тошкент вақти билан эса 11 сентябрь куни 04:00 да бошланади.
Шундан сўнг, мезбон терма жамоа – Колумбия ва Португалия ўртасида Жаҳон чемпионатининг очилиш учрашуви бўлиб ўтади. Ушбу ўйин маҳаллий вақт билан 10 сентябрь куни 20:00 да бошланади.
Қуйида Ўзбекистон терма жамоасининг Жаҳон чемпионати гуруҳ босқичидаги учрашувлар тақвими билан танишиб чиқишингиз мумкин.
«А» гуруҳи
1-тур, 10 сентябрь
Ўзбекистон – Панама 18:00 (Тошкент вақти билан 11 сентябрь, 04:00)
Колумбия – Португалия 20:00 (11 сентябрь, 06:00)
2-тур, 13 сентябрь
Панама – Португалия 18:00 (14 сентябрь, 04:00)
Колумбия – Ўзбекистон 20:00 (14 сентябрь, 06:00)
3-тур, 16 сентябрь
Панама – Колумбия 20:00 (17 сентябрь, 06:00)
Португалия – Ўзбекистон 20:00 (17 сентябрь, 06:00)
Изоҳ (0)