Bugun, 20-may tongida Kolumbiyaning Medelyin shahrida futzal bo‘yicha joriy yilning 10-sentabrdan 1-oktabriga qadar bo‘lib o‘tadigan Jahon chempionatiga qur’a tashlash marosimi bo‘lib o‘tdi. Qur’a natijasiga ko‘ra, O‘zbekiston terma jamoasi “A” guruhidan joy oldi. Guruh bosqichida o‘zbekistonlik futzalchilar mezbon hisoblangan Kolumbiya termasi hamda Portugaliya va Panama terma jamoalariga qarshi kurash olib boradi.
FIFA rasmiy saytida keltirilgan musobaqa (pdf) taqvimiga ko‘ra, O‘zbekiston terma jamoasi ilk uchrashuvini Kolumbiyaning Kali shahrida Panamaga qarshi o‘tkazadi. Mazkur uchrashuv mahalliy vaqt bilan 10-sentabr kuni 18:00 da, Toshkent vaqti bilan esa 11-sentabr kuni 04:00 da boshlanadi.
Shundan so‘ng, mezbon terma jamoa – Kolumbiya va Portugaliya o‘rtasida Jahon chempionatining ochilish uchrashuvi bo‘lib o‘tadi. Ushbu o‘yin mahalliy vaqt bilan 10-sentabr kuni 20:00 da boshlanadi.
Quyida O‘zbekiston terma jamoasining Jahon chempionati guruh bosqichidagi uchrashuvlar taqvimi bilan tanishib chiqishingiz mumkin.
“A” guruhi
1-tur, 10-sentabr
O‘zbekiston – Panama 18:00 (Toshkent vaqti bilan 11-sentabr, 04:00)
Kolumbiya – Portugaliya 20:00 (11-sentabr, 06:00)
2-tur, 13-sentabr
Panama – Portugaliya 18:00 (14-sentabr, 04:00)
Kolumbiya – O‘zbekiston 20:00 (14-sentabr, 06:00)
3-tur, 16-sentabr
Panama – Kolumbiya 20:00 (17-sentabr, 06:00)
Portugaliya – O‘zbekiston 20:00 (17-sentabr, 06:00)
Izoh (0)