Интернетга ҳамма жойда уланиш имконияти ер шари аҳолисининг 7 фоизига (500 миллион киши) ночорлик чегарасини босиб ўтишга ҳамда жаҳон ялпи ички маҳсулотини 6,7 триллион долларга оширишга ёрдам беради. Бу ҳақда Strategy& тадқиқотларига таяниб, «Интерфакс» хабар берди.
Facebook компанияси учун амалга оширилган тадқиқот чоғида ўн йиллик давр ичидаги 120 та мамлакатга тегишли маълумотлар таҳлил қилиб чиқилди. Тадқиқот натижалари ривожланаётган мамлакатлардан интернет фойдаланувчилари сони ўсиб бориши билан веб-макон қай тариқа ўзгариши ҳақида хулоса чиқариш имконини беради. Таъкидланишича, интернет фойдаланувчилари сони ўсиши секинлашиши натижасида 4,1 миллиард киши замонавий иқтисодиётдан хабардор эмас, улар унга 6,7 триллион долларга яқин маблағ келтириши мумкин эди.
Ҳисоботда келтирилган маълумотларга кўра, ривожланган иқтисодиётга эга мамлакатларнинг ҳар битта интернет фойдаланувчисига ривожланаётган мамлакатларнинг бештадан фойдаланувчиси тўғри келган вақтда интернетга умумий уланиш имконияти глобал даражада таъминланади.
Агар интернетга уланиш нархи қарийб 70 фоизга тушса, сайёра аҳолисининг 80 фоизи унга уланиш имкониятига эга бўлади.
Фирмалар ёки абонентлар (масалан, таълим марказлари) молиялаштираётган онлайн алоқа бутун дунё бўйлаб яна 500 миллион фойдаланувчини жалб қила олади.
Изоҳ (0)