Apple компаниясининг қурилмаларни йиғиш билан шуғулланадиган асосий шериклари оммавий равишда ходимларни ишга олишни бошлади, дея хабар бермоқда «Hi-tech.mail.ru». Шу билан бирга йиғувчи ходимлар қанча маош олиши маълум бўлди.
Тайваннинг энг йирик электроника ишлаб чиқарувчилари — Foxconn ва Pegatron қурилмаларни йиғувчи ходим лавозимига кўплаб ишчи ўринларини очди. Заводлар янги iPhone 7 моделларини йиғиш учун ишлаб чиқариш қувватларини оширмоқда.
Foxconn’нинг Хитойдаги ваколатхонаси расмий сайтида вакансиялар очилиши ҳақида эълон жойлаштирилган. Уларга 18 дан 40 ёшгача бўлган кўп сонли ходимлар талаб этилади. Ойлик маош 3800 юан (тахминан 586 доллар)га тенг.
Сайтдаги эълонда вакансияга қизиққанларга шошилиш тавсия этилган, чунки ишга киришни истовчилар жуда кўп.
Изоҳ (0)