Apple kompaniyasining qurilmalarni yig‘ish bilan shug‘ullanadigan asosiy sheriklari ommaviy ravishda xodimlarni ishga olishni boshladi, deya xabar bermoqda “Hi-tech.mail.ru”. Shu bilan birga yig‘uvchi xodimlar qancha maosh olishi ma’lum bo‘ldi.
Tayvanning eng yirik elektronika ishlab chiqaruvchilari — Foxconn va Pegatron qurilmalarni yig‘uvchi xodim lavozimiga ko‘plab ishchi o‘rinlarini ochdi. Zavodlar yangi iPhone 7 modellarini yig‘ish uchun ishlab chiqarish quvvatlarini oshirmoqda.
Foxconn’ning Xitoydagi vakolatxonasi rasmiy saytida vakansiyalar ochilishi haqida e’lon joylashtirilgan. Ularga 18 dan 40 yoshgacha bo‘lgan ko‘p sonli xodimlar talab etiladi. Oylik maosh 3800 yuan (taxminan 586 dollar)ga teng.
Saytdagi e’londa vakansiyaga qiziqqanlarga shoshilish tavsiya etilgan, chunki ishga kirishni istovchilar juda ko‘p.
Izoh (0)