Facebook компаниясидагилар ижтимоий тармоқнинг сиёсий нохолислиги ҳақидаги мақолалар атрофида пайдо бўлган шов-шувни изоҳлади, деб ёзади TJournal.
10 май куни қидирув бўйича Facebook вице-президенти Том Стоки ўз саҳифасида унинг жамоаси Trending Topics’да либерал партия томонга ён босиш ҳақиқатда кузатилгани бўйича ҳеч қандай далил топмаганини маълум қилди. Стокининг сўзларига кўра, буни қўлда бошқариш «техник жиҳатдан амалга ошириб бўлмайдиган нарса».
«Facebook ўз модераторларига ҳар қандай мафкурадаги манбаларни мунтазам чеклаб қўйишга рухсат ҳам бермайди, буни тавсия ҳам қилмайди, ва биз асбобларни шундай ишлаб чиққанмизки, бу техник жиҳатдан мумкин эмас. Шу билан бирга, модераторларимизнинг хатти-ҳаракатлари ёзиб олинади ва қоидаларга риоя қилмаслик ишдан ҳайдалиш билан тугайди», — деди у.
Аввалроқ Gizmodo Facebook’нинг янгиликларни назорат қилган собиқ ходимларига таяниб, ижтимоий тармоқ маъмурияти консерватив муштарийлар учун қизиқиш уйғотиши мумкин бўлган хабарлар тарқалишини доимий равишда чеклаб туришини маълум қилган эди. Либерал лагерга тааллуқли янгиликлар эса, улар ҳатто етарли даражада оммабоп бўлмаса-да, сунъий равишда олға сурилган.
Изоҳ (0)