Facebook ижтимоий тармоғи, гўёки, консерватив ОАВлар маълумотларини либерал ОАВлар фойдасига пухталик билан фильтрлаши ҳақидаги хабарлардан сўнг танқидлар остида қолди, деб ёзади «РБК». АҚШда сиёсий спектрнинг чап қисмига тегишли, асосан Демократик партия тарафдорларининг нашрларини «либерал» деб аташади (республикачилар анъанавий капитализми тарафдорлари эса — консерватив ОАВлар).
9 май, душанба куни Gizmodo Facebook’нинг янгиликларни назорат қилган собиқ ходимларига таяниб, ижтимоий тармоқ маъмурияти консерватив муштарийлар учун қизиқиш уйғотиши мумкин бўлган хабарлар тарқалишини доимий равишда чеклаб туришини маълум қилган эди. Либерал лагерга тааллуқли янгиликлар эса, улар ҳатто етарли даражада оммабоп бўлмаса-да, сунъий равишда олға сурилган.
«Кимнингдир кун тартибига тўғри келмайдиган нуқтаи назарни ва материалларни босди-босди қилиш учун шундай куч ишлатилиши ҳақидаги хабар ўта кучли хавотир уйғотади», — дейишди АҚШ Республикачилар партияси Миллий қўмитасидагилар.
«Ўнгларни таъқиб қилишга ёрдам бериш билан бирга, бу Кремний водийси томонидан контент назорат қилинишининг хавфи тўғрисидаги асосий эслатмадир ҳам», — деди The Guardian собиқ журналисти Гленн Гринвальд.
Ўз навбатида, Facebook матбуот котиби ижтимоий тармоқ «ҳамжиҳатлик ва нейтралликни таъминлаш мақсадида» қатъий тамойилларга риоя қилишини айтди.
Изоҳ (0)