Американинг Apple ва Германиянинг SAP компаниялари шериклик битимини тузди, дея хабар бермоқда «Интерфакс» компанияларнинг қўшма пресс-релизига таяниб.
Улар ишлаб чиқувчиларга SAP компанияси маълумотлар ва аналитика базаларидан фойдаланган ҳолда iPhone ва iPad учун дастурлар яратишда биргаликда ёрдам беради. SAP корхоналар бошқаруви учун дастурий таъминот ишлаб чиқариш бўйича дунёда етакчи компания ҳисобланади.
Компаниялар iOS учун SAP HANA Cloud Platform’нинг янги тўпламини яратишни режалаштирмоқда, у компаниялар, дизайнерлар ва ишлаб чиқувчиларга SAP HANA Cloud Platform, сервис форматидаги очиқ SAP платформасидан фойдаланган ҳолда iPhone ва iPad учун ўз iOS дастурларини тезкор ва самарали тарзда яратиш учун ускуналарни тақдим этади.
Шериклик доирасида SAP энг муҳим ишбилармонлик вазифалари учун iOS дастурлар яратади. Улар Apple’нинг замонавий, хавфсиз ва интерактив тили — Swift’да ёзилади.
Изоҳ (0)