Фойдаланувчилар талқинига кўра 2016 йилнинг 10 та энг оммабоп смартфони

«Hi-tech.mail.ru» россиялик фойдаланувчилар Google қидирув тизимида энг кўп сўров берган, 2016 йилда тақдим этилган ўнта смартфон рўйхатини эълон қилди.

1. Samsung Galaxy S7

Смартфон 5,1 дюймли 2560×1440 пикселли Super AMOLED-дисплей, саккиз ядро Exynos 8890 ёки Snapdragon 820 (минтақага қараб), 4 Гб тезкор ва 32 Гб ички хотира, 3000 мА/соат сиғимли аккумулятор, 12 мегапикселли асосий ва 5 мегапикселли олд камерага эга. У Android 6.0 Marshmallow операцион тизимида ишлайди.

2. Xiaomi Mi5

Хитойнинг янги флагман смартфони 5,15 дюймли экран, 3 Гб тезкор ва 32 Гб ички хотира, 16 мегапикселли асосий камера, Qualcomm Snapdragon 820 процессорига эга . У Android 6.0 операцион тизимида ишлайди.

3. LG G5

LG G5 смартфони Qualcomm Snapdragon 820 процессори, 5,3 дюймли 2560×1440 пикселли дисплей, 4 Гб тезкор ва 32 Гб ички хотира (+microSD), 16 мегапикселли асосий, 8 мегапикселли кенг бурчакли, 8 мегапикселли олд камера, 2800 мА/соат сиғимли батареяга эга. У Android 6.0 Marshmallow операцион тизимида ишлайди.

4. HTC 10

HTC 10 «ўлим тўшагидаги» компаниянинг янги умидига айланиши керак эди. Ўз хусусиятларига кўра, смартфон кўплаб флагманларни ишонч билан ортда қолдиради. У Android 6.0 операцион тизимида ишлаб, 4 Гб тезкор ва 32 Гб ички хотира, 12 мегапикселли асосий камера, 5,2 дюймли экран билан жиҳозланган.

5. Asus Zenfone Мах

Тайвань смартфони жуда катта — 5000 мА/соат сиғимли аккумуляторга эга бўлди, у ҳам Android 5.0 операцион тизимида ишлайди. Тезкор хотираси 2 Гб, ички хотираси — 16 Гб. Қурилма 13 мегапикселли асосий камера, 5,5 дюймли экран, Qualcomm МSМ 8916 Snapdragon 410 процессори билан таъминланган.

6. Huawei P9

У Кирин 950 чипсети, 3 Гб тезкор ва 32 Гб ички хотира, 5,2 дюймли 1080×1920 пикселли экран, қўш камера (ҳар бири 12 мегапикселли), 5 мегапикселли олд камера, шунингдек 3000 мА/соат сиғимли аккумуляторга эга. Қурилма EMUI интерфейсли Android 6.0 Marshmallow операцион тизимида ишлайди.

7. Sony Xperia Х

Android 6.0 операцион тизимида ишловчи смартфон Qualcomm Snapdragon 650 процессори, 3 Гб тезкор ва 32 Гб ички хотира, 23 мегапикселли асосий камера, 5 дюймли экранга эга.

8. Meizu Pro 6

Янги қурилма MediaTek Helio X25 процессори, 4 Гб тезкор ва 32 Гб ички хотира, 21,16 мегапикселли асосий ва 5 мегапикселли олд камера, 5,2 дюймли экранга эга.

9. Microsoft Lumia 650

Смартфонга Qualcomm Snapdragon 212 процессори ўрнатилган. У 1 Гб тезкор ва 16 Гб ички хотирага, 8 мегапикселли асосий камера, 5 дюймли экранга эга.

10. Apple iPhone SE

iPhone SE 12 мегапикселли қўш вспишкали камера билан жиҳозланган, у 63 мегапикселгача бўлган панорамали тасвирни тушириш, шунингдек, 4К сифатидаги видеоларни олишга қодир. У 2 Гб тезкор ва 16 Гб ички хотира, 12 мегапикселли асосий камера, 4 дюймли экранга эга.