Бразилия бош прокурори Родриго Жано Олий судга мамлакатнинг амалдаги президенти Дилма Руссефф ва собиқ давлат раҳбари Луис Инасио Лула да Силвага нисбатан текширув бошлашни сўраб, мурожаат этди. Бу ҳақда Meduza хабар бермоқда.
Жано, шунингдек, яна 27 нафар бошқа юқори мартабали сиёсатчи, мансабдор ва бизнесменларга қарши текширувлар ўтказиш учун Олий суд розилигини сўраган.
Бош прокурор Лула да Силвани Petrobras нефть компанияси билан боғлиқ коррупцияли можарода асосий роль ўйнаганликда айблаган. Унинг айтишича, собиқ президент бошқа юқори мартабали шахслар билан бирга компаниядан катта миқдорда маблағ олиб чиқиб кетилишига имкон берган усулларни ўйлаб топган. Бунинг оқибатида Petrobras 2 миллиард доллар йўқотган, уларнинг бир қисми бразилиялик сиёсатчилар сайловолди кампаниясига ишлатилган.
Дилма Руссеффга эса ваколатларининг муддатидан олдин тугатилиши хавф солмоқда. Бразилия парламенти қуйи палатаси унинг импичменти учун овоз берган, энди истеъфо масаласини сенат ҳал этиши лозим.
Изоҳ (0)