Braziliya bosh prokurori Rodrigo Jano Oliy sudga mamlakatning amaldagi prezidenti Dilma Russeff va sobiq davlat rahbari Luis Inasio Lula da Silvaga nisbatan tekshiruv boshlashni so‘rab, murojaat etdi. Bu haqda Meduza xabar bermoqda.
Jano, shuningdek, yana 27 nafar boshqa yuqori martabali siyosatchi, mansabdor va biznesmenlarga qarshi tekshiruvlar o‘tkazish uchun Oliy sud roziligini so‘ragan.
Bosh prokuror Lula da Silvani Petrobras neft kompaniyasi bilan bog‘liq korrupsiyali mojaroda asosiy rol o‘ynaganlikda ayblagan. Uning aytishicha, sobiq prezident boshqa yuqori martabali shaxslar bilan birga kompaniyadan katta miqdorda mablag‘ olib chiqib ketilishiga imkon bergan usullarni o‘ylab topgan. Buning oqibatida Petrobras 2 milliard dollar yo‘qotgan, ularning bir qismi braziliyalik siyosatchilar saylovoldi kampaniyasiga ishlatilgan.
Dilma Russeffga esa vakolatlarining muddatidan oldin tugatilishi xavf solmoqda. Braziliya parlamenti quyi palatasi uning impichmenti uchun ovoz bergan, endi iste’fo masalasini senat hal etishi lozim.
Izoh (0)