Расман: «Лестер» клуби ўз тарихида биринчи бор Англия чемпионлигини қўлга киритди

Клаудио Раньери бошчилик қилаётган Англиянинг «Лестер» футбол клуби Премьер-лиганинг 36-турида «Манчестер Юнайтед» билан дуранг ўйнаб, чемпионлик масаласини ҳал эта олмаганди. Бу борада лестерликларга эндиликдаги собиқ чемпион «Челси» ёрдам бериб юборди.

• Сўровнома: Футбол тарихидаги энг катта сенсация қайси?

36-турнинг сўнгги ўйини бўлган Лондон дербисида «Тоттенҳэм» очко йўқоца, «Лестер» автоматик тарзда мамлакат чемпиони бўлиши керак эди. Маурисио Почеттино шогирдлари иккита гол фарқи билан олдинга чиқиб олган бўлса-да, якунда «Челси» ўз иродасини намойиш этиб, «Тоттенҳэм»ни 2 очкодан мосуво қилди. Бунинг натижасида «Лестер» ўз тарихида биринчи бор мамлакат чемпионлигини қўлга киритди.

• «Лестер» Англия чемпиони бўлгани тақдирда, Раньери қўшимча беш миллион фунт стерлинг олади

Келаси турни «Эвертон»га қарши ўтказадиган «Лестер» футболчилари Англиянинг янги чемпиони сифатида майдонга олқишлар билан чиқиб келади. Шу тариқа собиқ чемпион «Челси» 38-турга келиб ўз майдонида янги чемпион жамоани ҳурмат йўлакчаси билан қарши олиш вазифасидан озод бўлди.

• «Лестер»нинг чемпионлиги британиялик букмекерларга 10 млн фунт зарар келтиради

Маълумот учун, «Тоттенҳэм» сўнгги икки турни «Саутгемптон» ва «Ньюкасл» клубларига қарши ўтказади. Мазкур беллашувларда қандай натижани қайд этмасин, Лондон клуби эндиликда «Лестер»га ета олмайди. Қолган икки турда Почеттино жамоаси ўзидан уч очко ортда қолаётган «Арсенал» билан кумуш медаллар учун курашади.

• Рияд Маҳрез Англия Премьер-лигасида мавсумнинг энг яхши футболчиси деб топилди

Англия Премьер-лигаси 36-тур беллашуви 2 май, душанба

«Челси» — «Тоттенҳэм» 2:2

Голлар: Ҳарри Кейн, 35 (0:1). Сон Хюн Мин, 44 (0:2). Гари Кехилл, 58 (1:2). Эден Азар, 83 (2:2).«Челси»: Асмир Бегович, Бранислав Иванович, Сесар Аспиликуэта, Гари Кехилл, Жон Терри, Неманья Матич (Оскар, 78), Виллиан, Жон Оби Микел, Сеск Фабрегас, Педро Родригес (Эден Азар, 46), Диего Коста.«Тоттенҳэм»: Уго Льорис, Кайл Уолкер, Денни Роуз (Бен Дэвис, 82), Тоби Алдервейрелд, Ян Вертонген, Эрик Даер, Мусса Дембеле, Эрик Ламела, Кристиан Эриксен, Сон Хюн Мин (Райан Мейсон, 65), Ҳарри Кейн.