Rasman: “Lester” klubi o‘z tarixida birinchi bor Angliya chempionligini qo‘lga kiritdi

Klaudio Ranyeri boshchilik qilayotgan Angliyaning “Lester” futbol klubi Premyer-liganing 36-turida “Manchester Yunayted” bilan durang o‘ynab, chempionlik masalasini hal eta olmagandi. Bu borada lesterliklarga endilikdagi sobiq chempion “Chelsi” yordam berib yubordi.

• So‘rovnoma: Futbol tarixidagi eng katta sensatsiya qaysi?

36-turning so‘nggi o‘yini bo‘lgan London derbisida “Tottenhem” ochko yo‘qotsa, “Lester” avtomatik tarzda mamlakat chempioni bo‘lishi kerak edi. Maurisio Pochettino shogirdlari ikkita gol farqi bilan oldinga chiqib olgan bo‘lsa-da, yakunda “Chelsi” o‘z irodasini namoyish etib, “Tottenhem”ni 2 ochkodan mosuvo qildi. Buning natijasida “Lester” o‘z tarixida birinchi bor mamlakat chempionligini qo‘lga kiritdi.

• “Lester” Angliya chempioni bo‘lgani taqdirda, Ranyeri qo‘shimcha besh million funt sterling oladi

Kelasi turni “Everton”ga qarshi o‘tkazadigan “Lester” futbolchilari Angliyaning yangi chempioni sifatida maydonga olqishlar bilan chiqib keladi. Shu tariqa sobiq chempion “Chelsi” 38-turga kelib o‘z maydonida yangi chempion jamoani hurmat yo‘lakchasi bilan qarshi olish vazifasidan ozod bo‘ldi.

• “Lester”ning chempionligi britaniyalik bukmekerlarga 10 mln funt zarar keltiradi

Ma’lumot uchun, “Tottenhem” so‘nggi ikki turni “Sautgempton” va “Nyukasl” klublariga qarshi o‘tkazadi. Mazkur bellashuvlarda qanday natijani qayd etmasin, London klubi endilikda “Lester”ga yeta olmaydi. Qolgan ikki turda Pochettino jamoasi o‘zidan uch ochko ortda qolayotgan “Arsenal” bilan kumush medallar uchun kurashadi.

• Riyad Mahrez Angliya Premyer-ligasida mavsumning eng yaxshi futbolchisi deb topildi

Angliya Premyer-ligasi 36-tur bellashuvi 2-may, dushanba

“Chelsi” — “Tottenhem” 2:2

Gollar: Harri Keyn, 35 (0:1). Son Xyun Min, 44 (0:2). Gari Kexill, 58 (1:2). Eden Azar, 83 (2:2).“Chelsi”: Asmir Begovich, Branislav Ivanovich, Sesar Aspilikueta, Gari Kexill, Jon Terri, Nemanya Matich (Oskar, 78), Villian, Jon Obi Mikel, Sesk Fabregas, Pedro Rodriges (Eden Azar, 46), Diyego Kosta.“Tottenhem”: Ugo Lyoris, Kayl Uolker, Denni Rouz (Ben Devis, 82), Tobi Alderveyreld, Yan Vertongen, Erik Dayer, Mussa Dembele, Erik Lamela, Kristian Eriksen, Son Xyun Min (Rayan Meyson, 65), Harri Keyn.