«Лестер» жамоаси 2015/16 йилги мавсумнинг Англия чемпиони бўлганлиги учун 190 миллион евро атрофидаги маблағни ишлаб олади. Бу ҳақда Repucom нашрига таяниб, «Чемпионат» хабар бермоқда.
Ушбу сумма АПЛ мукофот пули, ЕЧЛда иштирок этиш учун бериладиган пул ҳамда бутун дунё бўйлаб мухлисларнинг клубга қизиқишидан келиб тушадиган фойдани ўз ичига олади. Бундан ташқари, «Лестер» ҳомийларлар билан янада фойдали шартномалар тузиши мумкин.
Эслатиб ўтамиз, Англия чемпионати 36-тур сўнгги ўйинида «Челси» ўз майдонида «Тоттенҳэм» билан жанговар дуранг (2:2) қайд этиб, «Лестер»нинг турнир якунланишига икки тур қолганида чемпион бўлишига замин яратди.
Қайд этиш жоиз, «Лестер» 132 йиллик тарихида илк бор Англия чемпионлигини қўлга киритди.
Изоҳ (0)