АҚШ президенти Дональд Трамп Қрим “океан ўртасида” жойлашганини айтиб, унинг ҳажмини 26 баравар ошириб кўрсатди.
Президент журналистлар билан суҳбатлашаётганда Қримни Американинг Техас штати билан таққослаган. Сиёсатчи унинг ўлчамини бир неча бор бўрттириб кўрсатган. Қрим “улкан, Техас ёки шунга ўхшаш катталикда, океан ўртасида жойлашган ва ажойиб”, деган у.
Техаснинг майдони 695 000 квадрат километрдан ошади, Қримнинг майдони эса тахминан 27 000 квадрат километр. Шу тариқа АҚШ штатининг майдони Қримдан тахминан 26 баравар катта. Шунингдек, Трамп ўз нутқида Қримни назорат қилиш ҳақидаги фикрлари билан ўртоқлашди.
Агар ўша ерни бериб юборганимда, кейинги 20 йил давомида ҳар бир газетанинг биринчи саҳифасида бўлардим. Обама уни берганида, бу ҳақда ҳеч ким гапирмади, деди Трамп.
Шунга қарамай, АҚШ президенти Украина раҳбари Владимир Зеленскийни Россия президенти Владимир Путин билан бўлажак учрашувда Қримдан воз кечишга, НАТО аъзо бўлмасликка чақирди.
Бу иккала вариант ҳам имконсиз, деган Дональд Трамп.
Трамп кўпинча географик хатоларга йўл қўяди. 2025 йил 16 август куни у Россияга бораётганини ва “Аляскадаги саммитдан кейин АҚШга қайтиши”ни айтганди. Аслида эса Путин билан учрашув АҚШ ҳудудидаги Анкориж шаҳрида (Аляска) бўлиб ўтган.
Изоҳ (0)