Ҳиндистоннинг Ғарбий Бенгалия штатида қўлбола бомба портлаши оқибатида тўрт киши ҳалок бўлди, олти киши яраланди. Бу ҳақда «РИА Новости» хабар бермоқда.
DNA India Daily нашри манбаларига кўра, ҳодиса 1 май, якшанба куни Малда туманида содир бўлган. Портлаш қурбонлари қўлбола бомбалар тайёрлаётганда улардан бирида тўсатдан детонация юз берган.
Ҳодиса жойига полиция ва тиббий ёрдам ходимлари етиб келган, жабрланганлар касалхонага етказилган. Уларнинг ҳолати оғир эканлиги билдирилмоқда.
Изоҳ (0)