Япониянинг Тояма префектурасидаги Фудзи тоғи чўққиси атрофида икки киши, Нагано ва Гифу префектуралари ўртасидаги тоғларда ҳам шунча киши ҳаётдан кўз юмди. Бу ҳақда «РИА Новости» хабар бермоқда.
30 апрель, шанба куни Татеяма тоғ тизмасига йўл олган альпинистлардан биридан бўрон туфайли шериги билан ҳаракатлана олмаётганлиги ҳақида хабар олинди. 2 май, душанба куни вертолёт ёрдамида уларни қидириш имкони туғилганда, иккала альпинистнинг ҳам жасади топилди.
1 май, якшанба куни тонгда полицияга Нагано ва Гифу префектуралари ўртасидаги Китахотакадакэ тоғида альпинист пастга қулагани ҳақида хабар берилди. Эртасига эрталаб қутқарувчилар чўққидан 300 метр пастда эркакнинг жасадини топди. Яна бир альпинистнинг жасадига ўша ҳудуддаги Окухотакадакэ тоғи яқинида дуч келинди.
Изоҳ (0)