Bugun,

  • USD 10940.05
  • RUB 182.26
  • EUR 11121.65

Venesuela prezidenti Nikolas Maduro o‘zining siyosiy raqiblari uning vakolatlarini muddatidan avval to‘xtatish bo‘yicha o‘tkazmoqchi bo‘lgan umumxalq referendumini yoqlab qo‘yilgan har bitta imzoni tekshirishni buyurdi. Bu haqda prezidentning o‘zi milliy televideniye efirida ma’lum qildi, deb yozadi “TASS”.

Foto: AP

Foto: AP

U “zarur vaqtda Milliy saylov kengashiga oligarxiya va o‘nglar vakillari tomonidan beriladigan imzolarning barchasini birma-bir tekshirish” uchun maxsus guruh tuzilganini aytdi. Uning fikricha, muxolifat tashabbusi “uni yo‘q qilish orqali konstitutsiyaga, Chaves merosiga va xalqning yutuqlariga barham berish”ga qaratilgan.

Venesuela konstitutsiyasiga muvofiq, davlat arbobi saylangan muddatning yarmi o‘tgach, uning vakolatlarini muddatidan avval to‘xtatish haqidagi referendum o‘tkazilishi mumkin.

Venesuela parlamentini boshqaruvchi muxolifat 10-mart, payshanba kuni prezident Nikolas Maduroning iste’fosi bo‘yicha referendum o‘tkazish haqidagi qonun loyihasini birinchi o‘qishdayoq ma’qullagan edi.

Venesuelada hukumatning qonun chiqaruvchi va ijro etuvchi tarmoqlari o‘rtasidagi nizolar yanvarda — parlamentda saylov yakunlariga ko‘ra, ko‘pchilik o‘rnini muxolifat kuchlari egallaganidan so‘ng yuzaga kelgan edi.

Izoh
Asosiy yangiliklar
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar
Mahalliy
“Toshkent hokimligi barcha OAV vakillari bilan ishlashga tayyor va hozirjavob bo‘ladi”. Zoir Mirzayevning matbuot kotibi jurnalistlar bilan muloqot qildi