Москва жануби-шарқида ўткинчи ёнаётган хонадондан уч кишини олиб чиқди, деб ёзади «Интерфакс» фавқулодда вазиятлар вазирлигининг пойтахт бошқармасига таяниб.
Ҳодиса 1 май, якшанба куни турар-жойнинг иккинчи қаватида содир бўлган. Ёнғиндан жами олти киши қутқариб қолинди — уларнинг уч нафари воқеа гувоҳи томонидан, яна уч киши Москва ўт ўчирувчилари томонидан қутқарилган.
Ёнғин-қутқарув бўлинмаси етиб келгунига қадар, ўткинчи деразадан ёрдам сўраб мурожаат қилган оилага ёрдамга шошган. У бинонинг ташқи қувури орқали бўғот (дераза устидаги соябон)га чиқиб олган ҳамда аёл ва икки нафар ёш болани уйдан олиб чиққан.
Ёнғинда бир киши ҳалок бўлган.
Изоҳ (0)