АҚШ президенти Барак Обама собиқ давлат котиби Ҳиллари Клинтонни ҳазил тариқасида ўзининг вориси деб атади. Бу ҳақда у 30 апрель, шанба куни Оқ уйда аккредитациядан ўтган мухбирлар уюшмасининг анъанавий кечки зиёфати чоғида маълум қилди, деб хабар беради «ТАСС».
«Келгуси йили бу ерда, ўрнимда кимдир бўлади ва бу аёлнинг кимлигини тахмин қилиш мумкин», — дея шама қилди келгуси йил январида президентлик муддати якунланадиган Обама. Собиқ биринчи хоним президентлик пойгасида иштирок этаётган ягона аёл бўлиб турибди.
АҚШ президенти яна бир номзод — Дональд Трампни ҳам назардан четда қолдирмади. «Республикачилар президент бўлиш учун унда ташқи сиёсат бобида тажриба етарли эмаслиги ҳақида гапиришади. Адолат нуқтаи назаридан эътироф этиш керакки, у ўтган йиллар давомида дунё етакчиларидан кўпи билан учрашган. Масалан, Швеция гўзали, Аргентина гўзали, Озарбайжон гўзали ва ҳоказо», — деб киноя қилди Обама.
Маълумот учун, Дональд Трамп 1952 йилдан бери ўтказиб келинадиган «Коинот гўзали» танловининг эгаси ҳисобланади.
Изоҳ (0)