Сомали пойтахти Могадишода реставрация қилинаётган масжид шифти диндорлар устига ўпирилиб тушиши натижасида камида 15 киши ҳалок бўлди, 40 киши жароҳатланди, деб ёзади «Интерфакс».
Ҳодиса 29 апрель, жума куни, масжид ибодатчилар билан тўла бўлган вақтда юз берди. Харобалар остида тирик одамлар бўлиши мумкин.
Баъзи маълумотларга кўра, шифт айни ибодат чоғида қулаб тушган, бошқа маълумотлар эса бу намоздан сўнг, таъмирлаш ишлари олиб борилаётганда содир бўлганини кўрсатмоқда.
Ҳодиса юзасидан масжид реставраторларидан бири ҳибсга олинди. У ўз вазифасига совуққонлик билан ёндашганликда айбланмоқда.
Изоҳ (0)