Somali poytaxti Mogadishoda restavratsiya qilinayotgan masjid shifti dindorlar ustiga o‘pirilib tushishi natijasida kamida 15 kishi halok bo‘ldi, 40 kishi jarohatlandi, deb yozadi “Interfaks”.
Hodisa 29-aprel, juma kuni, masjid ibodatchilar bilan to‘la bo‘lgan vaqtda yuz berdi. Xarobalar ostida tirik odamlar bo‘lishi mumkin.
Ba’zi ma’lumotlarga ko‘ra, shift ayni ibodat chog‘ida qulab tushgan, boshqa ma’lumotlar esa bu namozdan so‘ng, ta’mirlash ishlari olib borilayotganda sodir bo‘lganini ko‘rsatmoqda.
Hodisa yuzasidan masjid restavratorlaridan biri hibsga olindi. U o‘z vazifasiga sovuqqonlik bilan yondashganlikda ayblanmoqda.
Izoh (0)