Бағдодда содир этилган икки теракт оқибатида 12 киши ҳалок бўлди

Ироқ пойтахти Бағдодда содир этилган икки теракт оқибатида 12 киши ҳалок бўлди, 39 киши жароҳат олди. Бу ҳақда, Reuters агентлигига асосланиб, «РБК» хабар бермоқда.

Жангариларнинг асосий нишони хавфсизлик кучлари ходимлари бўлган. Қурбонлар ва жароҳатланганлар сони янада кўпайиши мумкинлиги айтилмоқда.

Икки ҳолдаям жангарилар автомобилга ўрнатилган портловчи ускунани ҳаракатга келтирган.

Ҳозирча бирорта террорчи гуруҳ қўпорувчилик акти учун жавобгарликни зиммасига олгани йўқ.

Бир неча кун муқаддам Бағдоддаги шиа масжидига уюштирилган ҳужум оқибатида 9 киши ҳалок бўлган эди.