Америкалик хонанда, «Оскар» мукофоти совриндори Принс оламдан ўтди

Америкалик хонанда, Принс тахаллуси билан машҳур Рожерс Нельсон 57 ёшида оламдан ўтди. Бу ҳақда TMZ хабар берди.

Принснинг жасади 21 апрель куни Миннеаполисдаги уйидан топилди. Унинг ўлимига нима сабаб бўлгани ҳозирча аниқланмади.

Илгарироқ, 15 апрель куни самолётда кетаётган Принсга шошилинч тиббий ёрдам кўрсатилган, ҳаво кемаси фавқулодда қўнишни амалга оширишга мажбур бўлган эди. Унга қадар хонанда соғлиғи туфайли иккита концертни бекор қилганди.

2005 йилда Принснинг номи рок-н-ролл шон-шараф залига киритилганди. Унинг энг машҳур диски Purple Rain (1984) бўлиб, у мунтазам равишда рок-н-рол даврининг энг яхши альбомлари рўйхатларига киритилади.

Хонанда «Грэмми», «Оскар», «Олтин глобус» мукофотлари совриндоридир.