Футзал бўйича Ўзбекистон терма жамоаси Жаҳон чемпионатига тайёргарлик жараёнини 16 апрелда бошлайди, деб хабар беради Ўзбекистон футзал уюшмаси матбуот хизмати.
Хосе Мария Мендез бош мураббийлигидаги терма жамоа 16–20 апрель кунлари Тошкентда йиғин ўтказади ва шундан кейин халқаро ўртоқлик турнирида иштирок этиш учун Японияга учиб кетади.
Мундиал йўлидаги дастлабки йиғинга 20 нафар футзалчи чақирилган, шулардан 14 нафари Японияга боради. Япониядаги ўртоқлик турнири 22–24 апрель кунлари бўлиб ўтади.
Қуйида Хосе Мария Мендез йиғинга таклиф этган футзалчилар рўйхати келтирилади.
Дарвозабонлар: Рустам Умаров, Клим Тюгаев, Акмал Хазратқулов.
Ўйинчилар: Жавлон Аноров, Константин Свиридов, Андрей Шлёма, Жамолиддин Шарипов, Шуҳрат Тожибоев, Фарҳод Абдумавлонов, Артур Юнусов, Дилшод Раҳматов, Даврон Чориев, Илҳом Ҳамроев, Элдор Ҳошимов, Дилшод Ирсалиев, Даврон Абдураҳмонов, Феруз Фахриддинов, Алишер Ибрагимов, Машраб Одилов, Дилмурод Шавкатов.
Маълумот учун, футзал бўйича Жаҳон чемпионати 2016 йилнинг 10 сентябридан 2 октябригача Колумбияда ўтказилади.
Изоҳ (0)