Наврўз умумхалқ байрами муносабати билан 300 дан ортиқ киноижодкорлар — кинорежиссёрлар, операторлар, рассомлар, овоз режиссёрлари, актёрлар, монтажчилар, киношунослар ва бошқалар учун дастурхон ёзилди, дошқозонларда сумалак ва палов тайёрланди, дея хабар бермоқда «Ўзбеккино» Миллий агентлиги матбуот хизмати.
«Ўзбекфильм» киностудиясидаги «Замин» ресторанида бўлиб ўтган байрам тадбирида 60 нафар кекса киноижодкорларга замонавий Artel телевизорлари совға қилинди. Ўзбекистон халқ артисти, Ўзбекистон санъат арбоби, «Эл-юрт ҳурмати» ордени соҳиби, режиссёр Шуҳрат Аббосовга эса у суратга олган фильмлари асосида тайёрланган махсус картина топширилди.
Ўзбекистон халқ артисти Озодбек Назарбеков, Ўзбекистонда хизмат кўрсатган артистлар Абдурашид Йўлдошев, Зиёда Қобилова каби бир қатор эстрада хонандалари, рақс ва карнай-сурнай гуруҳлари кинематографчиларни байрам билан табриклади.
Изоҳ (0)