Бугун, 6 апрель куни футбол бўйича Осиё Чемпионлар Лигаси гуруҳ босқичи 4-тури доирасида навбатдаги учрашувлар бўлиб ўтмоқда.
Хусусан, Тошкентнинг «Локомотив» жамоаси ўз майдонида Эроннинг «Сепаҳон» клубини қабул қилиб, 1:0 ҳисобида ғалаба қозонди. Учрашувдаги ягона гол ҳужумчи Темурхўжа Абдухолиқов номига ёзилди.
Шунингдек, 6 апрель куни Тошкент вақти билан соат 19:45 да «C» гуруҳи 4-тур учрашувлари доирасида «Тракторсози» (Эрон) — «Пахтакор» учрашуви бошланади. Ўйиндан матнли онлайнни шу саҳифада кузатиб бориш мумкин.
Маълумот учун, 5 апрель куни ОЧЛ гуруҳ босқичи доирасида Ўзбекистоннинг бошқа икки клуби ўз учрашувларини ўтказган эди. Жумладан, «Насаф» ўз майдонида Қатарнинг «Ал-Жаиш» клуби билан 0:0 ҳисобида дуранг ўйнаган бўлса, «Бунёдкор» Эронда «Зоб Оҳан»га 2:5 ҳисобида ютқазди.
Изоҳ (0)