Исландия бош вазири Сигмундюр Гуннлейгссон «Панама ҳужжатлари»нинг чоп этилиши билан боғлиқ можаро туфайли ўз лавозимини тарк этмаслигини маълум қилди. Бу ҳақда «Интерфакс» хабар беради.
«Мен бу туфайли (‘Панама ҳужжатлари’нинг чоп этилиши) истеъфога чиқишни режалаштирмаганман ва истеъфога чиқмайман», — деди Гуннлейгссон.
Аввалроқ мухолифат вакиллари мамлакатнинг ўнг марказий ҳукуматига қарши ишончсизлик билдиришга овоз бериш жараёнини ўтказишга чақирган эди.
Associated Press агентлиги «Панама ҳужжатлари»га мувофиқ, Гюннлейгссон ва унинг рафиқаси 2007 йилда Британиянинг Виргин оролларида шахсий эҳтиёжлари учун Wintris Inc. офшор компаниясини таъсис этганлигини маълум қилган эди.
Агентликнинг маълум қилишича, Гюннлейгссонни истеъфога чиқишга чақирган петицияни аллақачон 16 мингдан ортиқ исландиялик имзолаган.
Изоҳ (0)