Роналду «Эль-Класико»да киритилган голлар бўйича Раулдан ўтиб кетди ва учинчи ўринга кўтарилди

Мадриднинг «Реал» жамоаси ҳужумчиси Криштиану Роналду «Барселона»га қарши (2:1) Испания чемпионати 31-турида жамоасига ғалаба келтирган гол муаллифи бўлди ва «Эль-Класико»да киритган голлари сонини 16 тага етказиб олди, деб хабар беради «Чемпионат».

Шу тариқа, португалиялик футболчи «Реал»нинг собиқ ҳужумчиси Раулдан (15 та гол) ўтиб кетди ва «Эль-Класико»да энг кўп гол киритган футболчилар орасида учинчи ўринга кўтарилди.

«Эль-Класико»да энг кўп голни «Барселона» ҳужумчиси Лионель Месси киритган. Принципиал рақиблар ўртасида кечган ўйинда аргентиналик 21 та голга муаллифлик қилган. «Реал»нинг собиқ ҳужумчиси Альфредо Ди Стефано «Эль-Класико»да 18 та гол киритган.

Мавзуга оид:

• Фотогалерея: «Реал Мадрид» бир киши кам бўлиб «Камп Ноу»да «Барселона»ни мағлуб этди
• «Реал» «Барселона»нинг 39 ўйиндан иборат мағлубиятсиз сериясига барҳам берди
• Лионель Месси фаолиятида илк бор «Реал»га қарши кетма-кет беш ўйинда гол кирита олмади