Бугун,

  • USD 11014.01
  • RUB 191.8
  • EUR 10674.78

Дунё бўйлаб етти ёшдан кичик бўлган 86,7 миллион нафар бола туғилганидан буён қуролли можаролар шароитида яшамоқда, бу эса уларнинг ақлий ривожланишига салбий таъсир кўрсатмоқда. Бу ҳақда экспертлари томонидан жанговар ҳаракатлар ҳудудидаги ҳаёт келтириб чиқарадиган стресс оқибатлари таҳлил этилган БМТ Болалар фонди (ЮНИСЕФ) маълум қилди, дея хабар беради «ТАСС». 

Фото: EPA

Фото: EPA

«Можаролар ҳудудида яшовчи болалар кўпинча руҳий изтиробларга дуч келади, бу эса доимий ва ҳолдан тойдирувчи стрессга олиб келиши мумкин. Бундай ҳолат бош мия асаб тўқималари ўртасидаги алмашувга тўсқинлик қилади, унинг асоратлари эса бутун умр давомида билиниб, интеллектуал, ижтимоий ва жисмоний ривожланишга таъсир кўрсатади», — дея маълум қилинган фонд ҳисоботида. 

ЮНИСЕФ томонидан можаролар ҳудудида истиқомат қилаётган болаларга уларнинг ақлий ривожланишига кўмак берадиган шароитлар яратишга ҳаракат қилинмоқда. Шу мақсадда фонд тақсимлаётган шошилинч ёрдам тўпламларига ўйинлар ва машғулотлар учун материаллар ҳам қўшилган. Ўтган йили дунёнинг турли бурчакларидаги 800 мингдан зиёд ўғил-қизларга шундай тўпламлар тақдим этилгани билдирилмоқда.

Изоҳ
Асосий янгиликлар